人在智利❗️街頭被搶電話❗️兼被破解❗️
由一個城市坐直通巴士去到首都，係巴士大站出面，Call Uber 去Airbnb，當時6點半左右，天仲係好光，9點先天黑。
架Uber到，我地行出去，我拎住電話搵架車，搵到後，我行出馬路邊一手拎住電話，再雙手打開車尾箱。突然有人捉住我隻手，我以為係司機幫手，但佢好大力，然後搶左就向後跑。
當時睇唔清楚，我覺得有2個人望住我地，唔知係咪同黨，我就無追。我男朋友係我後面，準備搬行李上車，當時大家都唔知點反應。個小偷跑左大約10米左右，一路跑一路擰轉頭望。
然後我地上左車，感覺安全D。呢到講西班牙話，Uber 司機唔識英文，Uber Apps 都無左我電話個定位，唔知點算下，叫個司機車我地去警局。
去到警局，我用我部電腦Find my iphone，Lock左機，Lock機果陣，❗️❗️會叫你填個電話號碼❗️❗️，意思係有人執到你部機會Call到你，我填左男朋友個當地電話。然後坐係警局等
等到咁上下，有個❗️美國電話❗️打比佢，頭幾次我地無聽，打左好多次就聽，係Apple打黎❗️輸入你個解鎖密碼，就會Send個Location比你❗️然後我即刻輸入左。
隔左陣，我係電腦已經見唔到Find my iphone 部iPhone，再上網查下，Apple 係唔會打比你問你拎個Pin，果個電話係騙徒。
然後我再問AI我黎緊應該要點做，再Login 個Gmail，發現有部❗️不知明電話Login 左我Gmail❗️，仲改左密碼。
我成功好快拎得返個Gmail再改密碼（改到我而家都唔記得左改左咩密碼😂），然後踢埋佢走。
係警局有另一個報案男人，識講英文，幫我地Translate，佢都係比人偷電話，人多好逼，佢行行下想用電話時，已經發現唔見左。
跟住所有GMAIL Social Media 銀行Apps 可以改密碼改左，可以Disconnet Iphone 盡做。
現在身處安全的集團式Airbnb，單位係4/F，行樓梯，除左警察知，無其他當地人知我地無左部電話。
後記
- 黎左幾日，問左好多當地人，每個人都同我地講唔安全，特別係晚上，唔可以拎住電話邊行邊睇，但對「唔安全」呢個字唔了解，唔知日頭都會發生，而佢地既「唔安全」係點呢？
- 當地人全部都好Nice，好多人幫我地，好友善熱情。唔覺得咁危險。
- 諗返好多次，其實我都係做左好多次「好危險」既行為，例如：我單獨帶住好多行李坐係公園，坐左陣有個保安叫我坐入去有保安守住既位置，因為危險，當時我都唔理解
- 最驚唔係無左部電話/個人資料，而係未來既時間，我要點做去做確保安全呢，對於唔安全既恐懼好強烈，亦問左AI點處理，佢教寫出黎同人分享係其中一個方法
- 今日睇左全日YouTube 教點防小偷，出發前務必熟讀及練習。
- 及早家時做好Back Up，做好雙重密碼，唔好一個Gmail/Email Link曬所有資料，香港Sim卡一定要Keep好，所以資料上我全部都Back Up好曬
- 其實佢地都係窮，走頭無路，先會做呢D，而我好幸福長期生活於安全地方，完全意識不足，亦低估佢地既智慧，唔覺得佢地智破解到個電話，就會有咁既結果
- 亦係命運既安排，比我真實體驗地球另一邊既實況，聽人講人地既經歷，真係唔到肉，係警局等果陣，間警局無冷氣，唔識英文，報完警天黑曬，要離開去返Airbnb，當時十分恐懼。
- 被Hack 左電話同Gmail，覺得人生亦受到威脅，我會唔會拎唔返D Social Media Account，無曬所有資料、相片、Hack入銀行、crypto？？？？
祝福大家平安
#南美安全 #南美小偷 #南美打劫
