公開試當真 – 同學話我「勝之不武」

人在海外，未睇到套戲，見到大家都係到講呢個「集體創傷」。

我好想分享下，一個關於我比同學話我「勝之不武」既事。

我英文是很差。

本來，我好努力學英文，學GRAMMAR，背VOCAB，提升自己英文，但發現實在太慢。

成篇READING每句都有一個字唔識，每題問題又有一個字唔識。

全部都唔識咁點背VOCAB都係背唔曬。

所以我放棄學英文，轉到學英文答題技巧。

老師教左好多做Writing既句式，要用conjunction，要用passive voice，用深既VOCAB。

後來我發現大約有20組字係萬能KEY，無論咩題目都一定會用到。

於是我就背曬果20組字。

每次作品我題目都唔睇住，先係草稿紙默曬呢20組字。

然後開始作，用一個刪一個，每次一定要用曬呢20樣野。

自從用左呢個方法，作文開始穩定，老師都話我好左。

我同同學分享我用呢個方法。（同同學分享自己既學習心得係需要糾結）

有一個同學話，咁咪唔係學英文，你都根本唔識英文，你無底都係會唔得。

故事既最後當然係我考得好過佢，佢英文唔合格，入唔到大學。

佢就彈左句「勝之不武」。

的確對於英文，我係「勝之不武」，對於英文考試，我贏得準確。

而當年我地要面對既係英文考試，而唔係英文。

對於努力學習英文的人覺得考試制度唔公平。

對於我，我花左佢學英文既時間黎學英文答題技巧，我又何來「勝之不武」呢？

公開試就是如此功利，考的不是英文，而是策略。但係當年我地18歲都無，又點識咁多

我同佢都只係想考好個試。

每個香港人就是在如此功利的公開試訓練出來。

你覺得我地應該如何面對呢個功利既社會呢？

（呢個同學比考試制度（我）激到好嬲，佢再用好多努力學英文，而家佢英文好過大部分人，而我，仍然都係唔識英文😂。）