社福界探索計劃 EP. 2.0《午夜藍 Midnight blue》延伸：性、性工作去污名化？ By social9uppers
💡性、性工作去污名化？
對談會中提及到「將性去污名化」。又引用黃子華個句「係香港『性』本身就是變態。」
性工作如是。性工作受到唔少批評與歧視。至少，香港都好難有人會坦然自若表示自己係一位性工作者。BTW，好欣賞當日對談會既四位嘉賓，願意成為嘉賓分享自己心路歷程，或者任何一位願意承認的人。而我更欣賞一位嘉賓，當佢面對別人歧視時，會回應對方一句：「你做到咩？」。性工作者，其實需要鼓起好大勇氣或者願意放自尊，冒着一定危險既工作，的確真係唔係人人都可以勝任。
對談中，嘉賓亦都分享自己對於性工作既想法。性工作對於佢地而言，只係一種付出體力，選擇左「性」作為方式而換取金錢既工作。至於，性工作係咪道德？道德放於性工作上，對小編個人角度而言。性服務就好似一個人開一間「餐廳」，有人有需要，就會入去食飯。或者應該將焦點放係入去食飯既人道唔道德，而唔係間「餐廳」本身道唔道德。
「餐廳」有提供唔同肉類等，唔同價值觀會有唔同選擇。你可以選擇唔入餐廳食飯，但亦要尊重開餐廳既人，餐廳只係同社會大眾未必有相同價值觀與理念，做唔同既工作。對於尋找性服務既人係咪道德就有待其他討論了。
💡香港容許討論嗎？
其中一位嘉賓Macy Chan（情慾自主實淺者）， 係活動對話中亦提到「性」係香港所受既污名化頗深，好希望推動「性」去污名化。
上年香港中學生性別研究學會曾經發表聲明回應香港性教育教材，指出教材未能有效解決香港性教育目前面臨既問題，「更聲稱性行為是骯髒的，未能引導學生正面接受性知識」；同時忽略性小眾群體的存在。更表示「睇到都係比較 old school 嘅觀念，講好多有性慾就唔好做、婚前禁忌等等」。
現今係多元關係既年代「Open relationship」，「同性戀」，「SP」，「FWB」太多種唔同形式。但似乎香港仍然停留過去教育模式，似乎未能與時俱進。
香港容許討論嗎？小編覺得，香港需要開放既心態與視野，「開放」唔等於要接受所有事情，而係容許客觀討論所有事。每人係可以有自己立場，亦可以包容/尊重到唔同價值觀。
引用返嘉賓一句，尊重，就係你知道對方同你持不同意見，或者做緊同你不同既事，只要唔傷害人，你都唔會阻止。
嘉賓Macy Chan，佢有一句 Slogan：「打一個有內涵既飛機，做一場平等既愛。」每個人演繹不一樣，但我好鐘意呢句說話，唔係因為純粹色情，而係直接道出對於「性」既基本尊重。
如果去污名化/性工作非刑事化路途正值午夜，相信仲有漫漫長夜，希望將來會見到長夜盡頭的微光。
最後，感謝午夜藍、受訪嘉賓Macy Chan願意我地出post，以及提供唔同類型資訊。Thank you so much~
@social9upper
