「茶。香。 禪」練習 靜觀 停一停 心呼吸 寂光堂

2月下旬參加了「茶。香。 禪」活動練習靜觀、香篆為自己充充電，因此認識寂光堂主理人 – Katrina，席間聞沉香味，喝高山茶，個人輕左好多。

今日路經寂光堂，上去買D香，點點香提醒自己。

開門迎接正是寂光堂主理人 – Katrina，心中慢慢浮現「茶。香。禪」當時的情況。Katrina著我坐下飲杯茶，試試香，她的同事在旁陪伴。

頭幾口茶我就濁到，我語帶嫌棄自己同Katrina講，我係好心急，咩都要Multi Task，飲杯茶都濁到。

Katrina慢慢問，點解要Multi Task呀？慢慢地請我講下對唔同香既感覺。起初我講唔到，我好用心諗D形容詞但係我搵唔到合適既。

一句一杯一個眼神一個微笑，對答應該有2小時，離開時又滿滿電，盡是感恩的心。

節錄一下內容，幫自己做個小筆記

1. 我係好心急，咩都要Multi Task，Katrina：但係每日會花時間行路睇花草樹木既人，有能力分辨自己鐘意咩香味既人，唔係心急既人，可能你比其他生活沖淡左自己原來喜歡既事。

2. 遇上唔認同既事，失人不失因果

可以失去與一個人既關係，但不可以失去因果，遇上唔認同既事，向佢提醒3次，3次後因果就已經與你無關

3. 每個人有自己既舞台，你係佢舞台到，改變唔到佢，你退出佢舞台，佢可能需要多d人、機緣去改變

4. 而自己返返去自己既舞台，繼續做自己既導演同演員，同時我既舞台都會有唔同既人去參加，而主角永遠都係自己

5. 唔好成日講「唔係」，呢個係說話技巧，先認同對方，聽落會舒服，氣氛會好，

6. 唔好話自己蠢，因為唔係真係蠢。只係其他原因引致做得唔好，講自己蠢咪姐係同左自己講「唔係」，係否定自己

7. 有時覺得自己好懶，成日想訓教，Katrina：又有無諗過自己真係需要一個休息時間呢，又點解唔比自己休息，聽下自己身體，唔好懶去比自己懶

8. 沉香需要風吹雨打日曬雨淋先形成，咁多年先做到，我地都好年輕，有D事做唔到係好合理

9. 要珍惜，珍惜所有事物

10. 點左香，會見到煙縈迴繚繞，先會發現空氣流動，平時唔會發現。

11. 做左好事，有人讚，會唔會覺得叨別人的光？因為做好事係應該做既？Katrina：想人讚係好自然，只要唔好執著呢份光就可以，有無人讚時都一樣係咁做。執著左就係苦，點解無人讚我嫁！佛學指人有五欲，財色名食睡，執著有無人讚就係執著「名」，就係變左苦。

12. Katrina：繼續留意花草樹木、日月星河，佢地係一個好榜樣去比你學習。

13. Katrina：加油！
我：加油呢句說話我會好欣然接受，我都好相信我會得，我會成功。

我：多謝你既加油

Katrina：多謝。

我：多謝你既多謝。

14. 每人都會有每人既功課，困難就係功課，要你去學識。


15. 記得要拍下自己膊頭呀


16. 未食過酸既提子，又點知甜既提子🍇係甜


17. 早前去食野，見到有D好傳統既類似「莫生氣」既圖片，寫住「看別人不順眼，是自己修養不夠」


18. 屋企既茶要飲呀，如果唔係只係櫃入面既一件物件

茶、香四溢而淡雅，爐煙裊裊，輕柔迴盪於空間，我飲茶無再濁到，亦都無再嫌棄自己飲杯茶都濁到，只係我身體未適應，我要愛自己。Katrina句句鼓勵、讚美，緣份，多謝Katrina，多謝我自己。

對話間我講起一棵樹，早幾星期有一天見到成地都係落葉，再過幾日有小小嫩葉，剛剛睇，已經滿滿綠葉。感恩大自然可以讓我見證生命，讓我躍動。

寂光堂
寂靜。光明。頃刻之間。澄淨身心。重新連結心之本源

致力為香港大眾帶來優質天然的沈香與茶，冀藉慢生活產品陪伴各位在日常中開闢寧靜祥和的心靈空間。

全店沉香及高山茶均由台灣專業香藝及茶藝師顧問嚴選，不含化學添加。

推薦比大家去了解、支持佢地、自己。以茶、香作為自己既小幫手（Kat稱為行山杖），幫助自己去活出自己。除左有茶/香可以買之外，仲有工作坊學習

後記💛

1. 見寂光堂同瑜茶舍有合作, 想起以前工作上有接觸過瑜茶舍，品嚐過店主既幾口茶，係緣份，係愛呀。

2. 篆香同篆刻都係「篆」，有做模既意思，又想起之前學篆刻，做左一個「夢泡影」既篆章 （取如夢幻泡影之意；由朋友代工）

如夢幻泡影：「一切有為法，如夢幻泡影，如露亦如電，應作如是觀。」金剛經
人生的一切現象，就像夢幻般不真實，也像水中的泡泡，浮上水面就消失了，又像清晨的露珠、天空的閃電，現在看到了，下一刻就消失了。這個世界就好像無數個不同的『片刻』，而不是不變的永恆，我們應該從這個角度去認識世界，就會對世界有不同的體悟，也許本來令你痛苦的事，就不會痛苦了